Маркетингийн ухааныг түмэн олондоо эзэмшүүлэхийг эрхэм зорилгоо болгосон Монголын Маркетингийн Холбоо байгуулагдаад 13 дахь жилдээ орж байна. Энэ хугацаанд монголчууд зах зээлийн нөхцөлд ажиллаж амьдарч суран маркетингийн ухаанд дөрөөлж ажил амьдралаа өөд нь татахыг ихэд эрмэлзэх боллоо. Үүнийг маркетингийн сайн мэргэжилтнүүдийн эрэл сурал болж буй компаниудын жишээ харуулж байна. Өнөөдөр бизнесийн байгууллагад маркетингийн үзэл баримтлалыг бодитойгоор хэрэгжүүлээд зогсохгүй улс төр, нийгэм, төрийн ба төрийн бус байгууллагын маркетингийн удирдлагын талаар ч ухаан бодлоо уралдуулдаг цаг үе ирээд байна. Энэ бүх өөрчлөлт шинэчлэлт, хэрэглэгчээ, зах зээлээ мэдрэн ажиллах шинэ нөхцөл байдлыг бүрдүүлэхэд Монголын Маркетингийн Холбоо, түүний олон зуун гишүүд дэмжигчдээс арав гаруй жил хийж хэрэгжүүлсэн ажил үйлс тодорхой хувь нэмэр оруулж буй гэдэгт бид сэтгэл дүүрэн байдаг билээ. Хэрэглэгчийн сэтгэл бодлын гүнд нэвтэрч, зах зээлийг байлдан дагуулж удирдан хөтлөх их үйлсийн далайд бидэнтэй хамтран сэлж оюун бодол, ажил үйлсээ уялдуулан ажиллахыг хүн арддаа хүсэн ерөөж байна. Сайн үйлс бүхэн дэлгэрэх болтугай.
Монголын Маркетингийн Холбооны Ерөнхийлөгч Д.Дагвадорж

• Монголын Маркетингийн Холбоо нь 1994 онд маркетинг, худалдааны мэргэжлийн эрдэмтэн судлаачид, сургалт эрдэм шинжилгээний болон үйлдвэрлэл, бизнесийн байгууллагын үүсгэл санаачлагаар байгуулагдсан.
• 1995-2002 он хүртэл маркетингийн сургалт эрдэм шинжилгээний ажлын чадавхийг бүрдүүлэхэд гол анхаарлаа төвлөрүүлэв.
• 2003 оноос эхлэн маркетингийн арга ухаанд тулгуурлан төрийн ба бизнесийн байгууллагуудын үйл ажиллагааг эрчимжүүлэхэд нь бодитойгоор туслах тэдний зах зээлд ажиллаж буй чадварыг нь үнэлж алдаршуулах ажлыг хийж байна
• 2006 оноос маркетинг бизнесийн олон улсын сургалт явуулж эхлэв. Мөн Азийн мэргэшсэн маркетеруудын хөтөлбөрт Монголын маркетеруудыг оролцуулахаар бэлтгэж байна.

Монголын Маркетинийн Холбооны гишүүд болон сонирхогч нийт хүмүүст зах зээлийн арга ухаан-маркетингийг монголын өвөрмөц нөхцөлтэй уялдуулан эзэмшүүлж, чөлөөт эдийн засгийн тогтолцооны үед бие дааж ажиллаж амьдрахад нь бодитойгоор туслахад оршино.

• Гишүүд дэмжигчдийнхээ зах зээлийн мэдлэг, маркетингийн боловсролыг дээшлүүлэх
• Бизнесийн байгууллагуудад маркетингийн судалгаа хийж өгч, менежментийн ухаалаг шийдвэр гаргахад нь туслах, зөвлөгөө өгөх
• Шинээр үүсгэн байгуулагдаж байгаа компани, аж ахуйн нэгжүүд найдвартай түншээ сонгох, маркетингийн ба бизнес төлөвлөгөө зохион хэрэгжүүлэхэд нь туслах
• Маркетингийн зохистой орчин бүрдүүлэх, улс орны үндэсний аюулгүй байдал, дотоод зах зээл, үндэсний үйлдвэрлэлийг хамгаалах асуудлаар төр засгийн бодлогын үндсийг боловсруулахад оролцох, бололцоотой арга хэлбэрээр нөлөөлөх
• Мэргэшсэн маркетеруудыг бэлтгэж, Монгол улсыг дэлхийн хөгжлийн жам ёст нийцүүлэн удирдах оюуны нөөцийг бүрдүүлэх үйлст маналайлан оролцох

• 1994 оны 6 сард АНУ-ын Маркетингийн Холбоотой хамтран ажиллах гэрээ байгуулсан.
• 1995 оны 7 сард Сингапурын Маркетингийн Холбоотой гадаад харилцаагаа өргөжүүлэв.
• 1995 оны 5 сард Япон улсын Токио хотод Дэлхийн Маркетингийн холбоо болон Ази Номхон Далайн Маркетингий эвслийн удирдлагуудтай уулзаж хамтран ажиллах гэрээ байгуулсан.
• 1995 оны 10 сард Ази Номхон Далайн Эвсэлд гишүүнээр элссэн.
• 1997 онд холбооны ерөнхийлөгч АНУ-ын маркетингийн Холбоонд айлчилж, ажил хэргийн холбоо тогтоов.
• 1999 онд Филиппины Маркетингийн Холбоотой холбоо тогтоов.
• 2001 онд Солонгосын Маркетингийн Холбоотой холбоо тогтоов.
• 2003 онд Сингапурын Маркетингийн Институттэй холбоо тогтоов.
• 2006 оны 4 сард Тайланд улсын Бангкок хотод Дэлхийн болон Ази Номхон Далайн Маркетингийн Холбооны удирдлагуудтай уулзаж Дэлхийн Маркетингийн Их хуралд оролцсон.
• Япон, Тайланд, Тайван, Солонгос, Австрали, Малайз зэрэг орны маркетингийн байгууллагуудтай нягт холбоотой ажиллаж байна.

Эрхэм зорилгодоо хүрэхийн тулд Ази болон Дэлхий дахины маркетингийн байгууллагуудтай нягт холбоотой ажиллаж, мэргэжлийн өндөр ур чадвар эзэмшин, гишүүд нийт хүмүүст чанартай үйлчилгээ үзүүлэхийг хичээн ажиллаж байна. Үүнд:

• Маркетингийн зөвлөгөө
• Сургалт семинар
• Уулзалт ярилцлага

Маркетингийн арга ухааныг эзэмшин зах зээлд шударгаар ажиллаж буй бизнесийн байгууллагуудын зах зээлд эзлэх байр сууриа бэхжүүлж гадаад, дотоод дахь нэр хүндийг нь өсгөх зорилгоор 2003 оноос эхлэн “Зах зээлд манлайлагч” арга хэмжээг дараахь 3 номинацаар тодруулдаг болсон.

• Зах зээлд тэргүүлэгч байгууллага
• Шилдэг маркетингтай байгууллага
• Шилдэг маркетер

Орчин үеийн маркетингийн стратегуудыг бизнесийн практикт хэрэгжүүлэх арга замуудыг эзэмшүүлэх зорилгоор дараах сургалтуудыг зохион байгуулдаг. Үүнд:

• Анхан шатны сургалт	(Маркетинг сонирхогч, бизнес эрхлэгч нарт)
• Дунд шатны сургалт	(Маркетингийн менежер нарт)
• Ахисан шатны сургалт	(Удирдах ажилтнуудад)
• Ажлын байрны сургалт	(Байгууллагын захиалгаар)
• Олон улсын сургалт	(улиралд)

Удирдах зөвлөлийн дарга	ММХ-ны ерөнхийлөгч профессор Д.Дагвадорж (Sc.D)
ММХ Гүйцэтгэх захирал	Н.Батжаргал
Удирдах зөвлөлийн гишүүд:
Ж.Оджаргал	“МCS Холдинг” ХХК-ний ерөнхийлөгч
П.Батсайхан	“АПУ” ХХК-ний ерөнхий захирал
Н.Баянсайхан	“Баярсконстракшн” ХХК-ний ерөнхий захирал
Ё.Ганбат	“Монтулга” ХХК-ний ерөнхий захирал
Ц.Гэрэлбаатар	“Алтайн Халиун” Группын ерөнхийлөгч
Ц.Пүрэвдорж	“Скайтел” ХХК-ний Маркетингийн газрын дарга
Б.Батбаатар	“ЖЕМ ИНТЕРНЭШНЛ” ХХК-ний дэд захирал
Б.Даваасүрэн (Ph.D)	МУИС,ЭЗС–ийн Маркетинг, Олон Улсын тэнхимийн эрхлэгч